بسم الله الرحمن الرحيم
انا ليه عملت بلوج ؟؟اممم
سؤال وجيه
هى خطوة يمكن كانت متأخرة شوية ... بس اعمل ايه
مشاغل الحياة والدراسة الى مبتخلصش ابدا
من اول ما وعيت ع الدنيا وكل الى يعرفونى يقولولى يابنى اعمل بلوج واكتب ... بدل مايحصلك حاجة فى نفوخك وبعدين منقدرش نجمع منك حاجة
فضلو يزنو على دماغى لحد ما اتزنقت بينهم وبين البحر...ياما ارمى نفسى فى البحر ياما اكمل مشوار الزن معاهم
بالنسبة لى كان اسهل ان انا ممكن انط فى البحر ... بس خسارة مكانش معايا مايوه
ومع ان المشرحة مش ناقصة قتلى .
قررت ابقى قتيل جوة المشرحة واشوفلى دولاب محندق على قدى هناك
